ончык каяш

Лӱдшӧ еҥ дене пырля ончык каяш огеш лий. Калыкмут. С трусливым человеком далеко не пойдёшь.

Идиоматическое выражение. Основное слово:

Йолын каяш идти пешком;

мужыр дене каяш идти парами;

писын каяш идти быстро;

кыша дене каяш идти по следу.

Такыртыме корно дене каяш куштылго. Калыкмут. По проторенной дороге идти легко.

Таҥем дене, кид кучалын, модмо верыш каена. А. Бик. Взявшись за руки, мы идём с милым на игрище.

Велосипед куштылгын кая велосипед идёт легко;

состав кая йӱд-кече состав идёт днём и ночью.

Кая поезд марий мланде дене. М. Большаков. Идёт поезд по марийской земле.

Кумда, келге, шарлен вочшо теҥыз дене, вӱдым пӱчкын, кая ончык пароход. О. Ипай. По широко раскинувшемуся глубокому морю, разрезая волны, идёт вперёд пароход.

Имне дене каяш ехать на лошади;

поезд дене каяш ехать на поезде;

самолёт дене каяш лететь на самолёте.

Мыланна Мамделыш шумеш машина дене каяш гын, сайрак лийшаш. О. Тыныш. Если нам до Мамдела ехать на машине, то будет лучше.

Латик тӱжем метр кӱкшытыштӧ каяш лететь на высоте одиннадцать тысяч метров;

вӱд йымач каяш плыть (уплыть) под водой.

Кайыклудо вашке кая – теле вашке толеш. Пале. Дикие утки улетят рано – зима наступит рано.

Нуно (кол-влак) моткочак ӱмбачын каят. В. Иванов. Рыбы плывут на поверхности воды.

Вӱдшӧ кая, серже кодеш. Муро. Воды текут, берега остаются.

Пыл-шамычшат ятыр кӱшыч тулла йӱлен каят. Н. Мухин. И облака плывут в вышине, сверкая, словно огни.

Арня наре каяш быть в пути около недели;

кужун каяш быть в пути долго.

Оҥай: молан тушко письма куд кече кая, а тышке арня эртымек иже пӧртылеш. П. Корнилов. Интересно: почему туда письма идут шесть дней, а сюда возвращаются только через неделю.

Ечыш шогал веле – шкеак кая. В. Юксерн. Только встань на лыжи – сами идут.

Сравни с:

Пашаш каяш идти на работу;

пулан каяш отправляться за дровами;

отпускыш каяш идти в отпуск.

А таче чодыран эн ир лукыш каена шордо модмым ончаш. Ю. Чавайн. А сегодня идём в самый дикий уголок леса смотреть за игрой лосей.

Йӧратымаш верч мӱндыр Марсыш каемпеледышым погаш. П. Эсеней. Ради любви я отправляюсь на далёкий Марс собирать цветы.

Дояркылан каяш идти в доярки;

армийыш каяш идти в армию;

институтыш каяш идти (поступать) в институт.

Ялыш учительлан кайынем ыле, ышт колто, аспирантурышто тунемаш адак кум ийлан кодат, манеш (Горбунова). О. Тыныш. Хотела я идти учительницей в деревню, но не отпустили, ещё на три года останешься учиться в аспирантуре, говорит Горбунова.

Институтыш огыт логал гын, иктаж-могай техникумыш каят. В. Косоротов. Если в институт не попадут, то пойдут в какой-нибудь техникум.

Шке шотшо дене кая идёт своим чередом.

Но илыш дене ӱчашаш нимолан, тудо шке законжо почеш эре ончыко кая, калык-влакын кыл ушемышт чарныде пеҥгыдем толеш. М. Казаков. Но вступать в спор с жизнью нечего, она согласно своим законам постоянно идёт вперёд, содружество народов беспрерывно укрепляется.

Ваштареш каяш идти наперекор;

еҥ ой почеш каяш идти за чужими советами, следовать чужим советам.

– Ну, господин учитель, ит ӱскыртлане, закон ваштареш ит кае. С. Чавайн. – Ну, господин учитель, не упрямься, против закона не иди.

Шоптыр чай сакыр деч поснат пеш тамлын кая. Н. Лекайн. Чай из смородиновых листьев и без сахара пьётся (букв. идёт) с большим аппетитом.

Паша кузе кая? Как идут дела?

Испытаний кая идут испытания.

Жап эркын кая время тянется медленно.

А школышто кокымшо чырыкат кая. В. Косоротов. А в школах идёт уже вторая четверть.

Спектакль шукыж годым пелйӱд марте, пелйӱд эртымеш кая. Н. Лекайн. Спектакль в большинстве случаев длится до полуночи, за полночь.

Муралтена гын, йӱкна кая, оҥгыр гае йоҥгалтеш. Муро. Как споём, голоса наши раздадутся, словно звон колокольчика.

Овийын лӱмжӧ шке ялыштыже гына огыл, ӧрдыжкат каен. Д. Орай. Дурная слава Овии распространилась не только в её родной деревне, но и в других селениях.

Пеш шулдын каяш идти по очень дешёвой цене

; шергын каяш идти по дорогой цене;

шке акше дене кая идеё по себестоимости.

Нунын сатушт мемнан элышке веле огыл – пӱтынь тӱня мучко кая. Ю. Артамонов. Их продукция находит сбыт не только в нашей стране, но и во всём мире.

(Елук:) Пазарыште тыглай кечынат (тулгӱн) кажне пырчыже лу теҥге дене кая. М. Рыбаков. (Елук:) На базаре каждая штука кремня продаётся по десять рублей.

Чодыра гоч йолгорно кая через лес идёт тропка;

умбакыже курык кая дальше идёт гора.

Ынде корно эҥер воктен, олык тӱр дене кая. А. Эрыкан. Теперь дорога идёт возле реки, по краю лугов.

(Вӱд) пуч мланде йымач кая, сандене канавым кӱнчыде ок лий. Г. Чемеков. Водопровод пролегает под землёй, поэтому придётся копать канаву.

Тӧрлатымекат, машинаже але комбайнже ок кай гын, тунемшын могай куанже-кумылжо лиеш? В. Косоротов. Если и после ремонта машина или комбайн не пойдёт, то какая радость, какое настроение будет у учащегося?

Колаш каяш ямде готов идти на смерть.

Нимо дечом лӱд, тулыш-вӱдыш каем. Ничего я не боюсь, пойду в огонь и воду.

Паша гыч каяш уволиться с работы;

завод гыч каяш уйти с завода.

Тайра типографий гычшат кайыш, ик-кок арня шольыж дене илымеке, Уралыш кудале. П. Корнилов. Тайра уволилась из типографии, пожив недели две у своего младшего брата, укатила на Урал.

Тачана ферма гыч огеш кай гын, эше мемнам туныкта ыле. М. Иванов. Если бы Тачана не ушла с фермы, она бы учила нас.

Уто окса кая тратятся лишние деньги;

костюмлан кум метр материал кая на костюм идёт три метра материала.

Пырня шупшыкташ да пурам чоҥыкташ, тудым нӧлташ иктаж кумло теҥге кая. Н. Лекайн. На перевозку брёвен и рубку сруба, на его возведение уйдёт около тридцати рублей.

Киндат ятыр каен. С. Чавайн. И хлеба ушло немало.

Лум каен сошёл снег;

уш каяш сойти с ума;

ал каяш расслабнуть, обессилеть.

Шошым вӱд могай кечын эн виян кая, тиде кечын пакча саскам шындаш тӱҥалман. Пале. В какой день вешние воды сходят сильнее, в этот день и нужно начать посадку овощей.

Ӱдыр тӱсшӧ пырчат каен огыл. И. Ломберский. Её девичий цвет лица нисколько не потускнел.

Качылан каяш идти замуж;

марлан кайыше замужняя;

марлан кайыдыме незамужняя.

Йӧратыме ӱдырет весылан кая гын, чонлан пеш куштылгак ок лий. С. Чавайн. Если твоя любимая девушка выйдет замуж за другого, душе твоей будет нелегко.

Каче умылыш: Вачуклан Веруш ок кае. Н. Лекайн. Парень понял: Веруш не выйдет за Вачука.

Козырной дене каяш идти с козырного;

дамкыш каяш идти в дамки.

Стапан Йыван хуторыш каяш нигунарат тупынь огыл ыле, но тудым земский шкежак кораҥден. Н. Лекайн. Стапан Йыван нисколько не был против того, чтобы пойти в хутор, но его сам земский отклонил.

Крестьянский реформа годым тудо чодыра мландыжге казнаш каен. Н. Лекайн. Во время крестьянской реформы тот лес вместе с земельными угодьями отошёл в распоряжение государства.

Пӱя каен прорвало пруд.

– Вакш каен, вакш! – кӱртньым кырыше ӱдырамашын чарга йӱкшӧ шоктыш. В. Иванов. – Прорвало мельницу! – раздался визгливый голос женщины, бьющей по рельсу.

– Туге вет, тулаче, тошто каванет уке гын, шем кинде калач олмеш кая, – туштен пуыш Кости. А. Березин. – Так ведь, сватья, если нет старой клади, то и чёрный хлеб сойдёт за калачи.

– Айда зарисовко олмеш кая огыла, – отдел вуйлатыше туран каласыш. В. Косоротов. – Ну, ладно, пусть пойдёт в качестве зарисовки, – сказал прямо завотделом.

Шудыш каяш идти в ботву (о картофеле).

Пареҥге чот пеледеш – саскаже шагал лиеш, шудыш кая. Пале. Если картофель цветёт бурно, плодов будет мало, пойдёт в ботву.

ийын каяш уплыть, отплыть;

куснен каяш переехать, переселиться;

лектын каяш уйти, уехать, удалиться;

нушкын каяш уползти;

ончылтен каяш обогнать, перегнать;

чоҥештен каяш улететь, отлететь;

толын каяш быть на побывке, побывать, навестить кого-то;

ужатен каяш провожать, идти провожать;

чакнен каяш отступать, отступить.

Койышан еҥ кудывече гыч имне дене лектын кая, а мӧҥгыжӧ чарайолын пӧртылеш. Н. Арбан. Чванливый человек со двора уезжает на коне, а домой возвращается босиком.

Мардеж, гудок йӱкым нумалын, кая Юл вес веке вончен. С. Вишневский. Неся с собой звуки гудка, ветер переходит на западный берег Волги.

Волгалт каяш осветиться;

пычкемышалт каяш стемнеть;

ошем каяш побледнеть;

йӧрлын каяш свалиться;

йӱлен каяш сгореть;

лӱдын каяш испугаться.

Роза маке гае чеверген кайыш, вара ошеме. М. Рыбаков. Роза покраснела как маков цвет, затем побледнела.

(Катя:) Мичуш тудым ужеш гын, вигак шулен кая. Н. Арбан. (Катя:) Если мой Мичуш увидит её, сразу растает.

Составные глаголы:

Идиоматические выражения:

Тудын калыклан ӱшанымыже арам лийын ала-мо, шемер кресаньыкын ушыжо, ончык каяш шонымыжо але кӱэмалт шуын огыч улмаш. М. Шкетан. Его вера в народ была, видимо, напрасна, мысль крестьянина идти вперёд оказывается ещё не созрела.

Составной глагол. Основное слово:

Прогрессивный писатель прогрессивный писатель;

прогрессивный технологий прогрессивная технология;

прогрессивный строй прогрессивный строй.

Производствысо ончыл еҥ-влакын пашаште прогрессивный йӧныштым иктешлымаш да шарымаш социалистический соревнованийыште поснак кугу рольым шуктен шога. «Мар. ком.» Обобщение и распространение прогрессивных методов работы передовиков производства в социалистическом соревновании выполняет особо большую роль.

Государственный думышто прогрессивный блок лийын. С. Чавайн. В Государственной думе был прогрессивный блок.

Эркын йогаш течь медленно.

Школ шеҥгечынак Чолпан эҥер йога. В. Иванов. Сразу за школой течёт река Чолпан.

Макарын чурийже мучко шинчавӱд йога. Д. Орай. По лицу Макара текут слёзы.

Касештеш. Тӱтыра гай йӱр йога. М. Шкетан. Вечереет. Сыплется мелкий дождь.

А лум йога да йога. М.-Азмекей. А снег сыплется и сыплется.

Капка воктенысе куэ гыч лышташ йога. В. Чалай. С берёзы у ворот падают листья.

Шыжым лышташ рӱж йога – йӱштӧ телылан. Пале. Осенью дружный листопад – к холодной зиме.

(Миша ден Вачий) ик гана рӱзалтат – анис олма-влак мландыш пыде-подо шоктен йогат. Б. Данилов. Миша и Вачи встряхнут раз яблоню, яблоки сорта «анис» с шумом падают на землю.

Сравни с:

(Лаврушын аважын) чурий начкаже кӧргыш пурен, куптыргыл пытен, шинчаже йӧршын тӱлыжген, сур ӱпшат йогаш тӱҥалын. Ю. Артамонов. Лицо у матери Лавруша запало, стало морщинистым, глаза потускнели, начали выпадать седые волосы.

Маскаже мӱгыра, межше йога. Тушто. Медведь рычит, шерсть вылезает.

Сравни с:

Таз йога таз течёт.

Вочко йогаш тӱҥалын. Бочка стала протекать.

(Кочамын) шомакше памашла веле йога. Б. Данилов. Слова дедушки льются, как родничок.

Лачак вӱдла муро сем йоген. С. Вишневский. Словно река лилась мелодия.

Уржа пасу гоч, аҥысыр корно дене, олачан-вулачан койын, еҥ-шамыч йогат. Д. Орай. Через ржаное поле по узкой тропинке идут потоком люди, одетые в пёструю одежду.

Кече эртен – весе толын. Жап эре ончык йоген. Д. Орай. День прошёл, приходит другой. Время постоянно текло вперёд.

Жап йогын вӱдла чарныде йога, нимогай вий тудым чарен ок керт. О. Шабдар. Время течёт беспрестанно, как река, его не может остановить никакая сила.

Пӱнчӧ, кож ден нулго-влак поезд ваштареш вӱдла йогат. В. Дмитриев. Мимо поезда, словно вода, промелькают сосны, ели и пихты.

Окна гыч тул волгыдо йога. Ю. Артамонов. С окон льётся свет огня.

Тудын (Карпушын) шонымашыже йорга эҥерла йоген. М. Шкетан. Мысли у Карпуша текли, как игривая река.

Составные глаголы:

Идиоматические выражения: